Cofnodion - Y Pwyllgor Busnes

Lleoliad:

Swyddfa’r Llywydd, 4ydd llawr - Tŷ Hywel

Dyddiad: Dydd Mawrth, 17 Hydref 2017

Amser: 08.30 - 08.37

Preifat

------

Yn bresennol

Categori	Enwau
Aelodau’r Pwyllgor:	Elin Jones AC (Cadeirydd) Jane Hutt AC Paul Davies AC Rhun ap Iorwerth AC Gareth Bennett AC
Staff y Pwyllgor:	Aled Elwyn Jones (Clerc)
Eraill yn bresennol	Manon Antoniazzi, Prif Weithredwr a Chlerc y Cynulliad Christopher Warner, Pennaeth Gwasanaeth y Pwyllgorau Polisi a Deddfwriaeth Siân Wilkins, Pennaeth Gwasanaeth y Siambr a Phwyllgorau Rhuanedd Richards, Cynghorwr Polisi i'r Llywydd Helen Carey, Llywodraeth Cymru

<AI1>

1 Cyflwyniadau, ymddiheuriadau a dirprwyon

Cafwyd ymddiheuriadau gan y Dirprwy Lywydd.

</AI1>

<AI2>

2 Cofnodion y cyfarfod blaenorol

Cytunodd y Pwyllgor ar y cofnodion ar gyfer eu cyhoeddi.

</AI2>

<AI3>

3 Trefn busnes

</AI3>

<AI4>

3.1 Busnes yr wythnos hon

Dydd Mawrth

· Byddai'r Cyfnod Pleidleisio ar ôl yr eitem olaf o fusnes. 

Dydd Mercher

· Cytunodd y Rheolwyr Busnes y byddai'r cyfnod pleidleisio yn cael ei gynnal cyn y Ddadl Fer.

</AI4>

<AI5>

3.2 Amserlen Busnes y Llywodraeth ar gyfer y tair wythnos nesaf

Nododd y Pwyllgor Busnes amserlen busnes y Llywodraeth ar gyfer y tair wythnos nesaf.

</AI5>

<AI6>

3.3 Amserlen Busnes y Cynulliad ar gyfer y tair wythnos nesaf

Penderfynodd y Pwyllgor Busnes ar drefn busnes y Cynulliad a chytunodd i gynnwys yr eitemau o fusnes a ganlyn ar yr amserlen:

Dydd Mercher 15 Tachwedd 2017 –

· Dadl ar adroddiad Pwyllgor yr Economi, Seilwaith a Sgiliau: Seilwaith Digidol yng Nghymru (60 munud)

· Amser a neilltuwyd i'r Ceidwadwyr Cymreig (60 munud)

· Amser a neilltuwyd i Blaid Annibyniaeth y Deyrnas Unedig (60 munud)

</AI6>

<AI7>

3.4 Dadl ar Gynnig Deddfwriaethol Aelod - Dewis cynnig ar gyfer y ddadl

· Dewisodd y Pwyllgor Busnes gynnig ar gyfer dadl ar 25 Hydref:

NNDM6350 Simon Thomas (Canolbarth a Gorllewin Cymru)

Cynnig bod Cynulliad Cenedlaethol Cymru:

1. Yn nodi cynnig ar gyfer bil a fyddai’n addasu’r broses gynllunio fel bod rhagdybiaeth yn erbyn hollti hydrolig (ffracio).

2. Yn nodi mai diben y bil hwn fyddai amddiffyn tirwedd Cymru ac iechyd y cyhoedd.

· Cytunodd y Rheolwyr Busnes i drefnu'r ddadl nesaf ar Gynnig Deddfwriaethol Aelod ar ôl hanner tymor.

</AI7>

<AI8>

4 Deddfwriaeth

</AI8>

<AI9>

4.1 Llythyr gan y Pwyllgor Materion Cyfansoddiadol a Deddfwriaethol - amserlen ar gyfer ystyried y Cynnig Cydsyniad Deddfwriaethol ar Fil yr Undeb Ewropeaidd (Ymadael) 2017

Mewn ymateb i gais gan y Pwyllgor Materion Cyfansoddiadol a Deddfwriaethol i ymestyn y dyddiad cau i'r pwyllgor adrodd ar y Cynnig Cydsyniad Deddfwriaethol ar gyfer Bil yr Undeb Ewropeaidd (Ymadael), cytunodd y Rheolwyr Busnes ar ddyddiad cau newydd, sef 23 Tachwedd 2017. Bydd y dyddiad cau estynedig hefyd yn berthnasol i'r Pwyllgor Materion Allanol a Deddfwriaeth Ychwanegol, gan fod y Cynnig Cydsyniad Deddfwriaethol wedi cael ei gyfeirio at y ddau ohonynt.

</AI9>

<AI10>

4.2 Papur i'w nodi - adroddiad y Pwyllgor Busnes ar yr amserlen ar gyfer trafod y Bil Landlordiaid Cymdeithasol Cofrestredig (Cymru)

Nododd y Pwyllgor Busnes yr amserlen ar gyfer trafod y Bil Landlordiaid Cymdeithasol Cofrestredig (Cymru) fel y cytunwyd yng nghyfarfod yr wythnos diwethaf. Mae'n cynnwys wythnos ychwanegol ar gyfer gwaith craffu Cyfnod 1, a slot ychwanegol i'r pwyllgor gwrdd ar fore Mawrth; mae'r ddau ar gais y Pwyllgor Materion Allanol a Deddfwriaeth Ychwanegol.

</AI10>

<AI11>

5 Pwyllgorau

</AI11>

<AI12>

5.1 Adroddiad ar ystyriaeth y Pwyllgor Busnes o'r effaith ar aelodaeth pwyllgorau a dyraniad cadeiryddion wrth i Aelod adael grŵp gwleidyddol

Cytunodd Rheolwyr Busnes ar yr adroddiad, a fydd yn cael ei osod yn y Swyddfa Gyflwyno. Bydd cynigion yn cael eu cyflwyno a'u hychwanegu at agenda'r Cyfarfod Llawn yfory i ddod â phenderfyniadau'r Pwyllgor Busnes i rym ynghylch aelodaeth pwyllgorau, yn amodol ar Blaid Cymru yn cyflwyno enwau Aelodau i lenwi'r lleoedd gwag ar y Pwyllgor Cyfrifon Cyhoeddus a'r Pwyllgor Deisebau, a Neil McEvoy yn nodi ei fod yn dymuno cymryd y cynnig o le ar y Pwyllgor Deisebau. Bydd y cynigion yn cael eu grwpio i'w trafod ond gyda phleidleisiau ar wahân, a bydd angen i bob un ohonynt gael eu pasio gan fwyafrif o ddwy ran o dair.

</AI12>

<TRAILER_SECTION>

</TRAILER_SECTION>

<LAYOUT_SECTION>

1.FIELD_TITLE

FIELD_SUMMARY

</LAYOUT_SECTION>

<TITLE_ONLY_LAYOUT_SECTION>

2.FIELD_TITLE

</TITLE_ONLY_LAYOUT_SECTION>

<HEADING_LAYOUT_SECTION>

FIELD_TITLE

</HEADING_LAYOUT_SECTION>

<TITLED_COMMENT_LAYOUT_SECTION>

FIELD_TITLE

FIELD_SUMMARY

</TITLED_COMMENT_LAYOUT_SECTION>

<COMMENT_LAYOUT_SECTION>

FIELD_SUMMARY

</COMMENT_LAYOUT_SECTION>

<SUBNUMBER_LAYOUT_SECTION>

2.1FIELD_TITLE

FIELD_SUMMARY

</SUBNUMBER_LAYOUT_SECTION>

<TITLE_ONLY_SUBNUMBER_LAYOUT_SECTION>

2.2FIELD_TITLE

</TITLE_ONLY_SUBNUMBER_LAYOUT_SECTION>